سهرۆك ئهركانێن وهزارهتا پێشمهرگهى ل دیوانا وهزارهتێ فهریق رۆكن عیسا عزێرى پێشوازى ل فهرماندهیێ هێزێن ئهلمانیا ل ههرێما كوردستانێ كۆلۆنێل ئیكوى كر.
د دیدارهكێدا كو رێڤهبهرێ ههماههنگى و پهیوهندییێن وهزارهتێ عهمید روكن محهمهد سهعید تێدا یێ بهرههڤبوو، پێشهاتێن ئێمناهییێ و رهوشا دهڤهرێ ب گشتى و ههرێما كوردستانێ هاتنه گوتوبێژكرن، ههروهسا بهحسا گرنگییا بهردهوامبوونا هاریكارى و ههماههنگییا وهلاتێ ئهلمانیا و ههڤپهیمانان بۆ هێزێن پێشمهرگهیێ كوردستانێ هاته كرن.
سهرۆك ئهركانان ئاماژه ب رۆلێ گرنگێ ئهلمانیا ل ههڤپهیمانییا نێڤدهولهتى دا و گوت : ئهلمانیا ههموو دهمان دگهل وهزارهتا پێشمهرگهیى ب تایبهت د پرۆسهیا چاكسازى و ساخلهمییا پێشمهرگهیدا یا هاریكاربوو، و بزاڤ دكرن ئهو پرۆسهیه سهركهڤتنێ بینیت، و هاریكارهكا باش یا وهزارهتێ بوویه.
دههمان دیدار دا ئاماژه ب پهیوهندییێن دناڤبهرا وهلاتێ ئهلمانیا وههرێما كوردستانێدا، و حهزا پێشڤهبرنا پهیوهندییێن ههردوو لایان د ههموو بیاڤاندا هاته كرن.
