مه‌سرور بارزانى و بالیۆزێ فره‌نسا ل عیراقێ پێكئینانا حكومه‌تا نوو یا عیراقێ گوتوبێژكر

ئه‌ڤرۆ 11ى چریا ئێكێ، سه‌رۆكێ حكومه‌تا هه‌رێما كوردستانێ مه‌سرور بارزانى پێشوازى ل بالیۆزێ فره‌نسا ل عیراقێ ئێریك شۆڤالییێ كر.

د دیداره‌كێدا كو كونسۆلێ گشتى یێ فره‌نسا ل هه‌رێما كوردستانێ ئۆلیڤیێ دیكۆتینى ژى تێدا یێ به‌رهه‌ڤبوو، دانوستاندن ل دۆ پێشڤه‌برنا په‌یوه‌ندییێن هه‌رێما كوردستان و فره‌نسا و دووماهى گوهورین و ره‌وشا سیاسى یا عیراقێ و بزاڤێن ده‌ربازكرنا قه‌یرانا سیاسى و پێكئینانا حكومه‌تا نوو هاته‌ كرن.

گرنگییا پاراستنا ئاسایش و سه‌قامگێرییا ده‌ڤه‌رێ و چاره‌سه‌ركرنا ئاریشه‌یان ب رێكا دانوستاندن و لێكتێگه‌هشتنێ به‌شه‌كێ دى یێ دانوستاندنێن كۆمبوونێ بوو.