<h3 style="text-align: justify;"><span style="font-size: 18pt;">سه‌رۆك بارزانى دگه‌ل بالیۆزێ بریتانیا ل عیراقێ كۆمبوو و هه‌ردو لایان دووپاتى ل ئه‌وێ چه‌ندێ كر كو دڤێت ئه‌و پرۆگرامێ لایه‌نێن پشكدارێن پرۆسه‌یا سیاسى ل سه‌ر رێككه‌ڤتین، بهێته بجهئینان.</span></h3> <h3 style="text-align: justify;"><span style="font-size: 18pt;">ئه‌ڤرۆ 17ى چریا ئێكێ یا سالا 2022ێ سه‌رۆك بارزانى ل پیرمام پێشوازى ل مایك برایسن بالیۆزێ بریتانیا ل عیراقێ كر كو ده‌یڤێد هێنت كونسۆلێ گشتییێ بریتانیا ژى یێ به‌رهه‌ڤبوو.</span></h3> <h3 style="text-align: justify;"><span style="font-size: 18pt;">ل دووڤ راگه‌هاندنا باره‌گایێ بارزانى، دووماهى گوهورینێن ناڤا مه‌یدانا سیاسى یێن پشتى هه‌لبژارتنا سه‌رۆككۆمارى هاتنه گوتوبێژكرن، هه‌ردو لایان دووپاتكر، پێدڤییه پێنگاڤێن ئێكئینانا حكومه‌تێ ل دووڤ ئیستیحقاقاتێن هه‌لبژارتنان بن.</span></h3> <h3 style="text-align: justify;"><span style="font-size: 18pt;">باره‌گایێ بارزانى ئاماژه ب هندێ ژى دا، دكۆمبوونێدا ب پێدڤى هاته زانین ئه‌و پرۆگرامێ كو لایه‌نێن پشكدارێن پرۆسه‌یا سیاسى ل سه‌ر رێككه‌ڤتین بهێته بجهئینان، ب جۆره‌كى كو وه‌ك نه‌خشه‌رێیه‌كێ بۆ رێره‌وێ پرۆسه‌یا سیاسییا عیراقێ به‌ره‌ڤ سه‌قامگێرییا سیاسى بیت.</span></h3> <h3 style="text-align: justify;"><span style="font-size: 18pt;">دهه‌مان كۆمبووندا سه‌رۆك بارزانى دووپاتى ل گرنگییا رۆلێ ئافره‌تێ و ب هێزكرنا ئه‌وى رۆلى كر و دیاركر، پارتى دیموكراتى كوردستان پێشه‌نگا پێگه‌هاندنا ئافره‌تا چالاك بوو، و بۆ پێشخستنا كۆمه‌لگه‌هێ ژى هه‌موو ده‌مان رۆل ب ئافره‌تێ دایه.</span></h3>
