<h3 style="text-align: justify;"><span style="font-size: 18pt;">گرۆپێ هاككه‌رێن بلاك ریوورد 50 گێگابایت ژ به‌لگه‌نامه‌یێن هاككرى یێن كۆمپانیا پێشڤه‌برنا ئه‌تۆمییا ئیرانێ به‌لاڤكرن.</span></h3> <h3 style="text-align: justify;"><span style="font-size: 18pt;">گرۆپێ هاككه‌رێن ریوورد ل رۆژا ئه‌ینییا بوورى 21 چریا ئێكێ یا 2022ێ د ئیمه‌یله‌كیدا هوشدارییێن به‌لاڤكرنا ژماره‌كا به‌لگه‌نامه‌یان ل سه‌ر ئه‌تومییێ ب به‌رپرسێن ئیرانێ دابوو، و ل شه‌ڤا بوورى 50 گێگابایت ژ به‌لگه‌نامه‌یێن به‌رنامه‌یێ ئه‌تومی به‌لاڤكرن.</span></h3> <h3 style="text-align: justify;"><span style="font-size: 18pt;">گرۆپێ هاككه‌ران د ئیمه‌یلێ خوه‌دا داخوازا ئازادكرنا گرتییێن سیاسى ژ به‌رپرسێن حكومه‌تا ئیرانێ كربوو، و هوشدارى دابوو كو ئه‌گه‌ر داخوازا وان نه‌هێته بجهئینان، دێ هه‌موو به‌لگه‌نامه‌یێن هاككرى به‌لاڤكه‌ن.</span></h3> <h3 style="text-align: justify;"><span style="font-size: 18pt;">به‌رى نوكه گرۆپێ بلاك ریوود راگه‌هاندبوو، كو چوویه ناڤ سێرڤه‌رێ كۆمپانیا چه‌كێ ئه‌تومى بوشهێر و هنده‌ك زانیارییێن گرنگ یێن په‌یوه‌ندى ب به‌رنامه‌یێ ئه‌تومییێ ئیرانێڤه هه‌ین ب ده‌ست كه‌ڤتینه.</span></h3> <h3 style="text-align: justify;"><span style="font-size: 18pt;">ل دووڤ ئه‌وى گرپۆرى زانیارى ژ چه‌ندین به‌لگه‌نامه‌یێن تایبه‌ت ب به‌رنامه‌یێ ئه‌تومییێ ئیرانێ پێكدهێن، كو به‌شه‌ك ژ وان ب زمانێ رووسینه، و چه‌ندین وێنه و ڤیدیویێن تایبه‌ت ب بنگه‌هێ ئه‌تومییێ بوشێهر، نه‌خشه‌یێ دامه‌زراوه‌یێن ئه‌تومى، هه‌ڤبه‌ستێن دناڤبه‌را كۆمپانییا بنگه‌هێ ئه‌تومى بوشێهر و كۆمپانییێن بیانیدا، پسووله‌یێن مووچه‌یێ كارمه‌ندێن بنگه‌هى، هه‌روه‌سا به‌لگه‌نامه‌یێن تایبه‌ت ب ره‌وشا ئێمناهییا دامه‌زراوه‌یێ ئه‌تومییا بوشێهر بخۆڤه‌دگریت، كو سه‌رجه‌مێ ئه‌وان زانیارییان 50 گێگابایتن و ب رێكا كه‌نالێ خوه یێ تێلیگرامى به‌لاڤكرینه، و ل تورێن جڤاكی ژى ب درووشمێ ژن، ژیان، ئازادى به‌لاڤكرینه، ئیمه‌یل بۆ به‌رپرسێن حكومه‌تێ هنارتییه و تێدا داخوازا ئازادكرنا گرتییێن سیاسى تایبه‌ت گرتییێن خۆپیشاندانێن هه‌یڤا بوورى كرییه، و نڤێسییه، هه‌وه 24 ده‌مژمێر بۆ ئازادكرنا هه‌موو گرتییان هه‌نه، ئه‌گه‌ر ئازاد نه‌بن، دێ هنده‌ك به‌لگه‌نامه‌یێن دى ل سه‌ر به‌رنامه‌یێ ئه‌تومییێ ئیرانێ به‌لاڤكه‌ن كو به‌رپرسێن حكومه‌تێ دزانن دێ چ كارتێكرن ل سه‌ر پرۆگرانێ ئه‌تومییێ وه‌لاتى ل ده‌ڤ وه‌لاتێن بیانى هه‌بیت.</span></h3>
