ھژمارەکا سكرێن بچووك دێ ھێنە چێکرن

ئاژانسا خانی ، تایبەت:

رێڤەبەرێ گشتی يێ ژێدەرێن ئاڤێ ل هه‌رێما كوردستانێ ئاشکرا کر، ب تنێ د شەش ھەیڤێن بوری دا سەرۆکێ حوکمەتێ بڕیار ل سەر چێکرنا ٣٧ سكرێن بچووك دەرکرییە و چێکرنا وان سكران بۆ کۆمکرنا ئاڤێیه‌ و دێ چەندین مفا ھەبن” ژ وان ژی دێ کاریگەری ل سەر ئاڤا بن ئەرد ھەبیت.

د. کاروان ھەورامی، زێده‌تر بۆ ئاژانسا خانی دیارکر:” ب فەرمانا مەسرور بارزانی سەرۆکێ حوکمەتا ھەرێما کوردستانێ بڕیارە ١٤ سكرێن دیتر یێن بچووك بھێنە چێکرن، زێدەتری ١٢ ملیار دینار بۆ ھاتینە مەزاختن، بەری نوکە ژی بڕیار لسەر چێکرنا ٢٣ سكرێن دیتر ھاتبوو دان، ئەڤە ژی پێنگاڤەکا گرنگە بۆ کۆمکرنا ئاڤێ و پاراستنا باژێڕان ل مەترسیێن لەھیان، چێکرنا ڤان سكران دێ کاریگەری لسەر ئاڤا بن ئەرد ھەبیت.

ناڤهاتی گۆت ژی” بۆچوونا سەرۆکێ حوکمەتا ھەرێما کوردستانێ و کابینا نەھێ لدۆر کەرتێ ئاڤێ یا خویایە، چونکی د دیرۆکا مەدا ب تنێ ١٢٠ سكر ھاتینە چێکرن، بەلێ ب تنێ د دەمێ شەش ھەیڤێن بوری دا سەرۆکێ حوکمەتا ھەرێما کوردستانێ رەزامەندی لسەر چێکرنا ٣٧ سكرێن بچووك دەرکرییە، ئەڤە ژ بلی وان یێن بەری نوکە نەھاتینە تەمام کرن، بڕیارە ئەو ژی بھێنە تەمام کرن.