پەرلەمانتارەکێ پارتی: بەربژارێن پارتی بۆ دو وەزارەتێن دی د بەرھەڤن

ئاژانسا خانی ، تایبەت:

پەرلەمانتارەکێ پارتی ديار کر، ھەردو وەزارەتێن ئاڤاکرن و ژینگەھێ ل حوکمەتا عێراقێ پشکا پارتینە و بەربژار بۆ ھەردو وەزارەتان ژی د بەرھەڤن.

د. سەباح حەیدەر، پەرلەمانتارێ فڕاکسیۆنا پارتی بۆ ئاژانسا خانی دیار کر” ئەو هه‌ردو وەزارەتێن مایی ل حوکمەتا عێراقێ پشکا پارتینە، ھەردو وەزارەتێن ژینگە و ئاڤاکرنێ دێ بۆ پارتی دیموکراتی کوردستان بن، وەزارەتا ئاڤاکرنێ ھاتییە ئێکلا یکرن بۆ پارتی و ڤێ حەفتیێ دێ وەزارەتا ژینگەھێ ژی ب دووماھی ھێت، برادەرێن ئێکەتیێ ژی وەزارەتا خوە وەرگرتییە لدووڤ ئەنجامێن ھەلبژارتنان.

لدۆر دانانا وەزیران د. سەباح حەیدەر دبێژیت” بەربژارێن پارتی بۆ وەرگرتنا ھەردو وەزارەتان د بەرھەڤن و ھەر دەمێ پرۆسە ھاتە سەر دانانا وەزیران بۆ ھەردو وەزارەتان ئەڤە دو بەربژارێن پارتی د بەرھەڤن و دێ بنە وەزیر.