ئومێد سه‌باح: هه‌رێما كوردستانێ 70% ێ پشت به‌ستنێ ل سه‌ر داهاتێ نه‌فتێ دكه‌ت

سه‌رۆكێ دیوانا جڤاتا وه‌زیرێن هه‌رێما كوردستانێ دوپاتی ل ‌سه‌ر سیاسیه‌تا كابینا نه‌هێ كرییه‌ و بزاڤ كرییه‌ ژێده‌رێن داهاتێ هه‌رێما كوردستانێ هه‌مه‌جۆر بكه‌ت و گۆت، نوكه‌ هه‌رێما كوردستانێ 70% ێ پشت به‌ستنێ ل سه‌ر  به‌ داهاتی نه‌فتێ دكه‌ت.

ئه‌ڤرۆ دوشه‌مبی، ئومێد سه‌باح، سه‌رۆكێ دیوانا جڤاتا وه‌زیرێن هه‌رێما كوردستانێ د‌ پانێله‌كێ مەراسیما ڤه‌كرنا ئینستیتیوتا نووگەری و داهێنانێ ل کوردستانێ راگەهاند، ئه‌و وه‌لاتێ داهاتێ وان ل سه‌ر ئێك ژێده‌ر، ئابوورێ وان یێ لاوازە و د مەترسییێ دایە و دوپاتی ل سه‌ر سیاسه‌تا ئابوورییا كابینا نه‌هی كرییه‌ كو بزڤا هه‌مه‌جۆر كرنا‌ ژێده‌رێن داهاتی ل هه‌رێما كوردستانێ د ده‌ت.