پەرلەمانێ کوردستانێ ئەڤرۆ سات 11 دێ كۆمبیت و دەنگی ل سەر بەربژارێ پۆستێ وەزارەتا سامانێن سروشتی دەت.
پەرلەمانێ کوردستانێ ئەڤرۆ سات یازدە یێ سبێ کۆمبوونەکا نە یاسای گرێدەت و دەنگی ل سەر پۆستێ وەزیرێ سامانێن سروشتی دەت کو دکتۆر کەمال ئەتروشی، بەربژارێ وی پۆستی یە، ھەموو فراکسیۆن دێ پشکداری کۆمبوونێ بن لێ ل گۆر زانیاریێن فراکسیۆنێن ئۆپۆزسیۆن، ئەو دەنگی ب بەربژاری نادەن.
ژ ئالیێ خوە ڤە، سەرۆکێ فراکسیونا پارتی ل پەرلەمانێ کوردستانێ رادگەھینیت: ئەم چاڤەرێنە کو ھەڤپشکێن مە دەنگی ل سەر کاندیدێ پوستێ وەزیرێ سامانێن سرۆشتی بدەن و بەروڤاژی ھندێ مە پوستێن دیتر ماینە کو بۆ وان دکەڤن، ل وی دەمی چاڤەرێی دەنگێن فراکسیونا پارتی نەبن.
ئومێد خۆشناو، سەرۆکێ فراکسیونا پارتی ل پەرلەمانێ کوردستانێ راگەھاند: مە دەنگێن یاسایی یێن ھژمارا پەرلەمانتاران ھەنە و ئەم چاڤەرێنە کو ھەڤپشکێن مە ژی دەنگی ب کاندیدێ پوستێ وەزیرێ سامانێن سرۆشتی بدەن.
بەری نوکە ژی دابان محەممەد، ئەندامێ پەرلەمانێ کوردستانێ ژ فراکسیۆنا گۆران راگەھاندبوو، کو پشكه‌ك ژ ئەندامێن فراکسیۆنا گۆران دەنگی ب کاندیدێ پارتی نادەن. ئەڤە ژی پێچەوانەی وێ رێکەفتنا ناڤبەرا پارتی و بزاڤا گۆڕانێ یە یاکو ژ بۆ پێکئینانا کابینه‌یا نەھێ یا حکومەتێ ھاتبوو کرن.
