بۆ جارا ئێكێ كاره‌با گشتی گه‌هشته‌ گونده‌كێ ناحیا چەمانکێ

ئه‌ندازیار ئارام جه‌لال رێڤه‌به‌رێ به‌لاڤكرنا كاره‌با ئامێدیێ بۆ ئاژانسا خانی دیاركر، حكومه‌تا هه‌رێما كوردستانێ یا به‌رده‌وامه‌ ل سه‌ر خزمه‌تكرنا خه‌لكێ ده‌ڤه‌رێ د وارێ گه‌هاندنا كاره‌بێ ب تایبه‌تى ژی گوندێن دوور ده‌ست.

ناڤهاتی گۆت ژی: ئێك ژ پرۆژێ وان یێن گرنگ” ئێكه‌م جاره‌ هێلا كاره‌با نیشتیمانى دگه‌هیته‌ گوندێ بەرکەڤرێ ل ناحیا چەمانکێ و  ئه‌ڤ گونده‌ ب كاره‌با نیشتیمانى دهێته‌ رۆنكرن .

ئه‌و ژی دیار كر، ئه‌ڤ پرۆژه‌ ل سه‌ر بودجێ په‌ره‌پێدانا پارێزگه‌هان ب كوژمێ 45 ملیۆن و 994 هزار دیناران هاتییە ئەنجامدان و ژلایێ رێڤه‌به‌رییا كاره‌با ئامێدیێ ڤه‌ دهێته‌ چێكرن و رێژا 100%  كار تێدا ب داوى هاتییه‌.