سەرۆکێ هەرێما کوردستانێ و سەرۆکێ رەوتێ حیکمە یێ نیشتیمانی کۆمبوون

د كڤانێ سه‌ره‌دانا خوه‌ دا بۆ به‌غدا، ل پشتی نیڤرۆیا ئه‌ڤرۆ ئێكشه‌مبی‌ 2022/11/27 ێ” نێچيرڤان بارزانى، سه‌رۆكێ هه‌رێما كوردستانێ، ل ‌گه‌ل سه‌يد عه‌مار ئه‌لحه‌كيم، سه‌رۆكێ ره‌وتێ حيكمه‌ كۆمبوو.

د‌ وێ كۆمبوونێ ‌دا هه‌ردو ئالییان دوپاتی ل‌ پێدڤییا ته‌ڤايى و هاريكارى و تێگه‌هشتنا هه‌ڤپشك دناڤبه‌را لايه‌نێن سياسی و پێكهاتێن عێراقی دا كر”‌ بۆ به‌رهنگاربوونا ته‌حه‌دی یێن ڤێ قووناغا وه‌ڵاتی و پشته‌ڤانییا حكومه‌تا نوو یا فيدرالى یا عێراقێ هه‌تا بشێت سه‌ركه‌فتییانه‌ كارناما خۆ بجهـ بینیت.

هه‌ردو ئالی هه‌ڤرابوون كو قووناغا نوكه‌ و ره‌وشا وه‌لاتی وه‌سا دخوازیت ده‌ستهه‌لات و لايه‌نێن په‌يوه‌ندار ل‌ عێراقێ و هه‌رێما كوردستانێ پێكڤه‌ به‌رپرسياريه‌تيیا هه‌ڤپشك هه‌لبگرن و هاريكارییێ بكه‌ن بۆ هندێ كێشێن وه‌لاتی ب كێشێن هه‌ولێر ـ به‌غدا ژی ڤه‌ بهێنه‌ چاره‌سه‌ر كرن و ئارامى و سه‌قامگيرییا و سه‌روه‌ريیا عێراقێ یا پاراستی بیت.