د درێژاهييا به‌رنامێ سه‌ره‌دانا خوه دا بۆ به‌غدا، ئه‌ڤرۆ ئێكشه‌مبی” نێچيرڤان بارزانى، سه‌رۆكێ هه‌رێما كوردستانێ ل گه‌ل محه‌مه‌د شياع سوودانى، سه‌رۆك وه‌زيرێن عێراقا فيدرالی كۆمبوو.
د وێ كۆمبوونێ دا داوی پێشهاتێن وه‌لاتی د بیاڤێ ئه‌منى و سياسى و خزمه‌تگوزاری دا هاتنه به‌حس كرن و چه‌ند پرسێن گرنگ ژی هاتنه به‌حس كرن وه‌کو چارچۆڤێ كارێ دناڤبه‌را حكومه‌تا فيدرالى یا عێراقێ و حكومه‌تا هه‌رێما كوردستانێ كو پشكه‌كه ژ ئارمانجێن كارناما حكومه‌تا نوو یا عێراقێ و بزاڤ بۆ بلندكرنا ئاستێ خزمه‌تگوزاری ل هه‌موو وه‌لاتی.
هه‌ردو ئالییان دووپاتی ل گرنگيیا چاره‌سه‌ركرنا دۆسی یێن ئه‌منی و كاركرن ژ پێخه‌مه‌ت ئارامى و سه‌قامگيرىیێ ل ده‌ڤه‌رێن سنووری ل گه‌ل وه‌لاتێن جیران كرییه.
