جوان رۆژبەیانی: ھەرێما کوردستانێ یا رژدە لسەر بجهئینانا مادێ ١٤٠ یێ ده‌ستووری

ئاژانسا خانی، تایبەت:

سەرۆکا لژنا دەڤەرێن کوردستانی ل پەرلەمانێ کوردستانێ ئاشکرا کر، کاراکرنا لژنا بلند یا مادێ ١٤٠ بەرھەمێ دانوستاندنێن حوکمەتا ھەرێما کوردستانێیە و دێ ھەموو بزاڤ ھێنە کرن ھەموو بڕگێن ناڤا مادێ ١٤٠ بھێنە بجهئینان.

جوان رۆژبەیانی، زێده‌تر بۆ ئاژانسا خانی دیار کر” دگەل دەستپێکرنا پرۆسا پێک ئینانا حوکمەتا نوویا عێراقێ ئێک ژ خالێن سەرەکی یێن داخوازیێن شاندێ ھەرێما کوردستانێ بجهئینانا مادێ ١٤٠ یێ دستووری بوویە، حوکمەتا ھەرێما کوردستانێ حوکمەتا نوکە یا عێراقێ نەچارکر ێێگیربیت ب ڤێ چەندێ مادێ ١٤٠ بکەڤیتە ناڤ کارناما کابینا نوویا حوکمەتێ، دڤی چارچوڤەیی دا ھەموو لژنە و فەرمانگەھێن تایبەت ب مادێ ٤٠ بھێنە کاراکرن.

جوانێ گۆت ژی” ھەر لایەنەکێ سیاسی پرۆپاگندا بکەت لدۆر ڤێ چەندێ لسەر دەستێ ئەڤی لایەنێ سیاسی لژنا مادێ ١٤٠ ھاتییە کارا کرن چو راستی بۆ نینە، چونکە ئەڤا نوکە دبیتە بەرھەم ژ ئەنجامێ دانوستاندنێن حوکمەتا ھەرێما کوردستانێ نە ل گەل بەغدا و ھەموو بزاڤەک دێ ھێتەکرن مادێ ١٤٠ وەکو خوە بھێتە بجهئینان و رەوشا دەڤەرێن کوردستانێ بھێتە ئاسایی کرن.