<h3 style="text-align: justify;"><span style="font-size: 18pt;">ئه‌ڤرۆ چارى كانوونا ئێكێ یا 2022ێ مه‌سرور بارزانى سه‌رۆكێ حكومه‌تا هه‌رێما كوردستانێ، پێشوازى ل ده‌یڤد هانت كونسۆلێ گشتییێ بریتانیا ل هه‌رێما كوردستانێ كر، كو ناڤبرى ب مه‌ره‌ما بدووماهى هاتنا ئه‌ركێن خوه سه‌ره‌دانا سه‌رۆكێ حكومه‌تێ كربوو.</span></h3> <h3 style="text-align: justify;"><span style="font-size: 18pt;">مه‌سرور بارزانى سوپاسییا كونسۆلێ گشتییێ بریتانیا كر كو ل ده‌مێ كاركرنا خوه، كار بۆ پێشڤه‌برن و مۆكۆمكرنا په‌یوه‌ندییێن دناڤبه‌را هه‌رێم و بریتانیادا كربوو، و داخوازا سه‌ركه‌ڤتنێ دئه‌ركێن بهێندا بۆ كر.</span></h3> <h3 style="text-align: justify;"><span style="font-size: 18pt;">كونسۆلێ گشتییێ بریتانیا ئاماژه ب په‌یوه‌ندییێن بهێزێن دناڤبه‌را وه‌لاتێ خوه و هه‌رێما كوردستانێدا كر، ب تایبه‌ت پشتى سه‌ره‌دانا سه‌رۆكێ حكومه‌تێ بۆ بریتانیا ل هه‌یڤا نیسانا بوورى، كو ببوو وه‌چه‌رخانه‌ك دپێشڤه‌برنا په‌یوه‌ندییێن دناڤبه‌را هه‌ردوو وه‌لاتاندا.</span></h3> <h3 style="text-align: justify;"><span style="font-size: 18pt;">كونسۆلێ گشتییێ بریتانیا سوپاسى و پێزانینێن خوه بۆ كارئاسانی و هه‌ماهه‌نگییا لایه‌نێن په‌یوه‌ندیدارێن حكومه‌تا هه‌رێما كوردستانێ دگه‌ل كونسۆلخانه‌یا وه‌لاتێ خوه ده‌ربرى.</span></h3> <h3 style="text-align: justify;"><span style="font-size: 18pt;">چاكسازییێن كابینه‌یا نه‌هێ و گرنگییا چاره‌سه‌ركرنا ئاریشه‌یێن هه‌رێما كوردستانێ و حكومه‌تا فیدرالدا و پاراستنا ئاسایش و سه‌قامگێری و سه‌روه‌رییا عیراقێ و هه‌رێما كوردستانێ و چه‌ند ته‌وه‌رێن دى د دیدارێدا هاتنه گوتوبێژكرن.</span></h3>
