پشتی بلندبوونا بهایێ دۆلاری د بازارێن عیراقێ و هەرێما كوردستانێ دا، بەنكا ناڤەندی یا عیراقێ بریاردا قەبارێ خستنەروویا دۆلاری د بازاری دا زێدەبكەت.
بەنكا ناڤەندی یا عیراقێ د راگەهاندنەكێ دا بەلاڤكرییە، ل پێناڤی بجهئینانا ئارمانجا بەنكا وان كو پاراستنا هەڤسەنگییێ و جێگرییا بازارییە، قەبارێ خستنەروویا نەختینەیی یا دۆلاری ل بازاران دێ هێتـە زێدەكرن و ئەو بریارە هەر ژ ئەڤرۆ دێ هێتـە بجهئینان.
دوهی رۆژا ئێكشەمبی بهایێ 100 دۆلاران ل بازارێ بەغدا گەهشتە 150 هزار و 500 دیناران. پشتی بلندبوونا بهایێ دۆلاری، محەمەد شیاع سوودانی، سەرۆك وەزیرێن عیراقێ بانگهێشتا سەرۆكێ بەنكا ناڤەندی بۆ جڤاتا وەزیران كر و داخواز ژێ كر ب زویترین دەم دۆلارێ زێدەتر بێخنە د بازاری دا.
