مالپه‌رێ بی بی سی ئه‌ڤرۆ ناڤێ 100 ژنێن کاریگەر یێن جیهانى بۆ سالا 2022ـی به‌لاڤكرن و ناڤێ دوو وه‌لاتییێن رۆژهه‌لاتا كوردستانێ و دوو وه‌لاتییێن باشوورێ كوردستانێ تێدا هه‌نه.
زارا محەمەدی، کچه‌كا چالاکڤانا پارێزگه‌ها سنەیه و مامۆستایا زمانێ کوردییە، سالا بوورى ژ ئالییێ دادگەها سنە هاته سزادان و بۆ ده‌مێ پێنج سالان هاته گرتن و نوكه ناڤێ وێ د لیستا 100 ژنێن كاریگه‌رێن جیهانێدایه.
روئیا پیرایی، ل ده‌سپێكا خۆ نیشاندانێن رۆژهه‌لاتا كوردستانێ ل كرمانشان ده‌یكا روئیا ژ ئالییێ هێزێن ئیرانێ ڤه گیانێ خۆ ژ ده‌ستدا، وێنه‌یێن روئیا پیرایی كاریگه‌رى بۆ وه‌لاتییان دروستكریه ل ده‌مێ ل سه‌ر گۆرێ ده‌یكا خۆ پرچه‌كێ بڕى د ده‌ستان دابوو و ب شێوه‌كێ خۆڕاگرانه راوه‌ستیایى بوو.
پشتى به‌لاڤبوونا ئه‌وى وێنه‌ى روئیا دگه‌ل چه‌ند كچ و ژنێن رۆژهه‌لاتا كوردستانێ ل پاریس ژ ئالییێ ئیمانوێل ماكرۆن، سه‌رۆك فره‌نسا ل كۆچكا ئێلیزێ پێشوازى لێهاته‌كرن و ناڤێ وێ د لیستا 100 ژنێن كاریگه‌رێن جیهانێدایه.
نیگار مارف، به‌رپرسا په‌رستیارایه ل پشكا سۆتن و نشتەگەرییا جوانكاریێ ل باژێرێ سلێمانیێ، 25 ساله ل نه‌خۆشخانه و پشكا سۆتن و چاڤدێرییا چڕ كاردكه‌ت، هه‌روه‌سا چاڤدێرییا ئه‌وان ژنان دكه‌ت یێن خۆ د سوژن و ناڤێ وێ د لیستا 100 ژنێن كاریگه‌رێن جیهانێدا هاتییه.
