ژ ئەگەرەکێ نەدیار 30 سەرێن پەزی مرن و 25 ژی برینداربوون

ب ئەگەرەکێ نەدیار 30 سەرێن پەزی ل گونده‌کێ ناحییا بجێل یا سەر ب قەزا ئاکرێ ڤه‌ مرن و نێزیکێ 25 یێن دیژى برینداربوون.

سۆهێل سورچی، کەسوکارێ خودانێ پەزی بۆ ئاژانسا خانی گوت: ب ئەگەرەکێ نەدیار 30 سەرێن پەزی یێن مروڤەکێ مە هەر ل گوڤا خۆدانکرنا وان ل مال ل گوندێ جیری یێ سەر ب ناحییا بجێلڤه‌ مرن، دیسان نێزیکێ 25 پەزێن دیژی برینداربووینه‌.

زێدەتر گوت، لژنەکا تایبەت یا فیتێرنه‌رى و ئالیێن په‌یوه‌دیدار هاتینە پێش و لێكۆلین بۆ کرییە، بەلێ هەتا نوکە ناهێتە زانین کا ئەگەر چییە، ئەوان تێست بۆ کرییە و ل دەمێن بهێت دێ دیار بیت.

ناڤبری دیار ژى كر، خودانێ وان پەزان کەسەکێ بێ زیان و  دەستکورتە و کەسابەتا وی ل سەر خودانکرنا پەزی بوویە و گوتژی: هیڤییە لایه‌نێن په‌یوه‌ندیدار هەڤکارییا خودانێ وان بکەن بۆ هندێ ئەو ژی بێشێت ل سەر ژیان وکەسابەتا خوە بەردەوام بیت.