ل ئێڤارییا ئه‌ڤرۆ ده‌مێ هێزێن ئاسایشا زاخۆ بزاڤ دكر دوو تومه‌تباران ده‌سته‌سه‌ربكه‌ن، شه‌ره‌ته‌قه دناڤبه‌را واندا روودا و د ئه‌نجامدا ئێك ژ وان تومه‌تباران هاتنه كوشتن و یێ دیژى برینداربوو.
ل دووڤ زانیارییان ئه‌و دوو كه‌سه ب تومه‌تا بكارئینانا مادده‌یێن هوشه‌بر هاتبوونه تومه‌تباركرن و فه‌رمانا دادوه‌رى بۆ ده‌سته‌سه‌ركرنا وان ده‌ركه‌ڤتبوو،هێزێن ئێمناهییێ ب مه‌ره‌ما ده‌سته‌سه‌ركرنا وان چوونه تاخێ تلكه‌به‌رێ یێ زاخۆ، لێ ئه‌وان ره‌تكر خوه راده‌ستبكه‌ن و رووبرووبوون دناڤبه‌را واندا روودا، دئه‌نجامدا ئێك ژ وان تومه‌تباران هاته كوشتن و یێ دیژى برینداربوو.
ل دووڤ ئامارێن نڤێسینگه‌ها رووبرووبوونا مادده‌یێن هوشبه‌ر، ل 10 هه‌یڤێن ئه‌ڤ ساله، 920 كه‌س ل سنۆرێ پارێزگه‌ها دهۆكێ هاتینه ده‌سته‌سه‌ركرن و 20 ژ وان ژنن.
