ب نوونەراتییا سەرۆك مەسعود بارزانی، فەلاح حەسەن، جێگرێ سەرۆكێ لاوێن دیمۆكراتا سیاسی یا ئەورۆپا و جیهانێ و نوونەرێ ئێكەتییا لاوێن دیمۆكراتا كوردستانێ دێ پشكدارییێ د كۆربەندێ سالانە یێ پارتا دیمۆكراتێن جیهانێ ل واشنتون كەت.
بریارە فەلاح حەسەن پەیاما سەرۆك بارزانی یا هیڤییا سەركەفتنێ ب پشكدارێن وی كۆربەندی رابگەهینیت، لگەل هندێ ژی سۆپاسییا بانگهێشتا ستیڤن هاپەر، سەرۆكێ پارتێن دیمۆكرات یێن جیهانێ بكەت بۆ وی كۆربەندی.
كۆربەندێ پارتێن دیمۆكرات بۆ دەمێ سێ رۆژان دێ يێ بەردەوام بیت و 85 پارتێن دیمۆكرات ل جیهانێ تێدا پشكدارن. هەژمارەكا سەرۆكێن وەلاتان و سیناتۆر و كەسایەتییێن سیاسی دێ تێدا ئامادەبن، فەلاح حەسەن ژی وەك نوونەرێ سەرۆك بارزانی دێ ل وێرێ ئامادەبیت و چەندین دیداران لگەل كەسایەتییێن سیاسی ئەنجام دەت.
