<h3 style="text-align: justify;"><span style="font-size: 18pt;">سهرۆكێ دهستهیا دهستپاكییێ ئاشكراكر، ئهڤ ساله 713 كهیسێن نوو یێن گهندهلییێ ل ههرێما كوردستانێ هاتینه تۆماركرن، و 77 كهیس ل دادگههێ هاتینه ئێكلاكرن.</span></h3> <h3 style="text-align: justify;"><span style="font-size: 18pt;">د. ئهنوهر<span style="font-size: 18pt;"> </span>ئهحمهد سهرۆكێ دهستهیا دهستپاكییا ههرێما كوردستانێ دپرێسكۆنفرانسهكیدا ئامار و كهیسێن گهندهلییێ دیاركرن.</span></h3> <h3 style="text-align: justify;"><span style="font-size: 18pt;">سهرۆكێ دهستهیا دهستپاكییێ راگههاند، ئهڤ ساله 487 كهیسێن نوو یێن گهندهلییێ، دگهل 226 كهیسێن سیخۆرییێ هاتینه تۆماركرن و سهرجهمێ وان دبیته 713 كهیس و دگهل یێن سالێن بوورى دبنه 976 كهیس و نوكه لێكۆلین تێدا دهێتهكرن.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى هاتهدان، ئهڤ ساله ژمارا كهیسێن گهندهلییێ زێدهبووینه، ئهڤهژى رامانا هندێ یه كو ههموو لایهن چاڤدێرییا دهستهیێن خوه دكهن و زانیارییان وهردگرن، ئهڤ ساله 203 كهیس رهوانهى دادگههێن ههولێر، سلێمانى و دهۆكێ هاتینه كرن و ئهڤ ژماره ژ سالێن بوورى زێدهتره.</span></h3> <h3 style="text-align: justify;"><span style="font-size: 18pt;">سهبارهت فۆرما ئاشكراكرنا سامانێ بهرپرسان، سهرۆكێ دهستهیا دهستپاكییێ گوت: زێدهتر ژ 1800 فۆرمێن ئاشكراكرنا سهروهت و سامانێ بهرپرسان ڤهگهریاینه و پرۆسه دێ یا بهردهوام بیت.</span></h3> <h3 style="text-align: justify;"><span style="font-size: 18pt;">ئاشكرا ژى كر، دهستهیا دادوهرییێ ژمارهكا دادوهران بۆ دادگهها لێكۆلینێن دهستپاكییێ تهرخانكرینه، لێ ئهو دخوازن دادگهههك بۆ ئێكلاكرنا كهیسێن گهندهلییێ بهێته تهرخانكرن.</span></h3> <h3 style="text-align: justify;"><span style="font-size: 18pt;">د. ئهنوهر ئهحمهد د بێژیت: رهوانهكرنا كهیسێن گهندهلییێ و پرۆسهیا دادگههكرنێ پهیوهندى ب دهستهیا دهستپاكییێ ڤه نینه، ئهو كارێ دادوهرانه و بریارا دووماهییێ ژى ههر بۆ دادوهرایه.</span></h3>
