ئەڤرۆ شانده‌كێ هەرێما کوردستانێ دێ چیتە بەغدا

 

ئەڤرۆ شه‌مبییێ 10/12/ 2022 ێ” ، شانده‌كێ هەرێما کوردستانێ بۆ بەردەوامیدان و تەمامكرنا دانوستاندنان و گوتۆبێژان، دێ سەره‌دانا بەغدا که‌ت.

شاندێ حکومەتا هەرێما کوردستانێ، د سەره‌دانا خۆ یا به‌ری نوكه‌ دا رەشنڤیسه‌ک بۆ گوتۆبێژکرنێ ل گەل بەغدا ئاماده‌ كرییە، کو ل سەر هه‌موو پرسێن هه‌لاویستی یێن دناڤبه‌را هەولێر و بەغدا هاتییه‌ ئامادە کرن.

د کۆمبوونێن شاندێ هەرێما کوردستانێ ل گەل بەغدا، به‌حسێ پرسا هنارتنا نەفتا هەرێما کوردستانێ، بودجە و مووچێ فەرمانبەرێن هەرێما کوردستانێ، قەرێن هەرێما كوردستانێ ل سەر حکومەتا عێراقێ، جێبەجێکرنا مادێ 140 یێ دەستوورێ عێراقێ بۆ ده‌ڤه‌رێن کوردستانی یێن دەرڤه‌یی ئیدارا هەرێما کوردستانێ، کو لژنەكا نوو بۆ هاتییه‌ پێکئینان،  هه‌روه‌سا مووچێ پێشمەرگەیان و لیوایێن هه‌ڤپشك و جێبەجێکرنا رێکكەفتنا شنگالێ و چەند پرسێن دیتر یێن هه‌لاویستی د دناڤبه‌را هەولێر و بەغدا دێ هێنه‌ به‌حس كرن.