رێڤه‌به‌رێ گشتی یێ گومركان: دێ ئاسانكارییان بۆ بازرگانان كه‌ین

سامال عه‌بدولره‌حمان رێڤه‌به‌رێ گشتی یێ گومركان ل هه‌رێما كوردستانێ دیار كر: ئه‌ڤ ساله‌ ره‌وشا گومركێن هه‌رێما كوردستانێ گه‌له‌ك باشبوویه‌ و كاروبارێن وان گه‌له‌ك ب باشی برێڤه ‌دچن و ئاسانكارییه‌كا باش بۆ بازرگانان هاتییه‌ كرن وئه‌و ژى بوویه ‌ئه‌گه‌ر كو كارێ بازرگانان بله‌زتر برێڤه‌بچیت و رۆتین نه‌مینیت.

ئه‌و چه‌ند ژی گۆت: هێشتا سال ب دووماهی نه‌هاتییه‌ بۆ وێ چه‌ندێ كو هه‌ڤبه‌ركرنا داهاتان بكه‌ین ل گه‌ل سالێن بورى لێ داهات ژ سالێن بورى باشتره‌” هه‌روه‌سا هه‌ر ئاسانكارییه‌كا د شیانێن مه‌دا بیت دێ بۆ بازرگانان كه‌ین بۆ وێ چه‌ندێ ره‌وشا بازرگانى ل گومركێن هه‌رێما كوردستانێ باشتر بیت.