ئاسانکرنا (جڤاتێن تازیان) ئەرکەکێ ئایینی و پێدڤییەکێ جڤاکی یە!

د. حەمید باڤی

بەرێزان: دهۆک یا مەزن بووی و دەروبەرێن وێ یێن بەرفرەهـ بووین، و رۆژانە ژمارەیەکا کەس و کارێن مە وەغەرا دووماهیکێ دکەن … و جڤاتێن تازیان بۆ د دەینن دوو رۆژان (ل دانێ ئێڤاری) وخەلکەکێ زۆر پشکداریێ تێدا د کەت وەک ئەرکەکێ ئایینی و داب و نەریتەکێ جڤاکی.
بەلێ مخابن بارگرانی بۆ خودانێن تازیان چێدبیت ژ بەر ئامادەکرنا خوارنێ (شیف و فراڤینان) و خزمەتکرنا مێهڤانان و برێڤەبرنا سەروبەرێ وان (زەلامان و ژنان)، هەروەسا بەهیێن نوکە بۆ بەهیچنان ژی ب زەحمەت د کەڤن ژ بەر زۆریا تازیا و ڤێڕانە گەهشتنێ و شەرمکرنێ ژ ئێک ودوو …!!!.
بۆ نموونە بتنێ (رۆژا شەمبیێ ١٠ /١٢ /٢٠٢٢ێ) تەنها د ناڤەندا دهۆکێ دا (١٠) جڤاتێن تازیان هەبوون:
１- مزگەفتا سەباح ئەتریشی.. یا خودێ ژێ رازیێ: خدیجة سعید قادر کەمەکی هەڤژینا: هادی رمضان کەمەکی.
２- مزگەفتا سەید محەمەد وەرمێلی.. یا خودێ ژێ رازی: شهم فیصل یونس عمر ئاغا هەسنی- برازایێ حجی شاکر هەسنی.
３- مزگەفتا غفران ل شندوخا.. یا خودێ ژێ رازی: حجی خورشید حجی نبی رشید بەندی (برایێ حجی رشید وحجی شعبان)ی.
４- مزگەفتا حجی أحمد زێوەیی.. یا خودێ ژێ رازی: فەرماندێ پێشمەرگە: ناصر إبراهیم حسن عزو بێدوهی (پسمامێ أبو بەروار فاضل بێدوهی بەرواری).
５- مزگەفتا ئەمین (مەلا سهام) ل گرێباصێ.. یا خودێ ژێ رازیێ: نهاری نجم أحمد خازیاڤایی هەڤژینا: حجی محمد سلێڤانەیی (برایێ حجی عەرەبی).
６- مزگەفتا حجی ملحم محێ.. یا خودێ ژێ رازی: محمد علي صالح شاوریکی.
７- مزگەفتا سەیدو.. یا خودێ ژێ رازی: دیار مهدی هادی کوڤلی.
８- مزگەفتا شەهید مەلا ئەمین ل نزارکا نوی.. یا خودێ ژێ رازی: جمال أحمد ئورەماری.
９- مزگەفتا گوندێ نزارکێ ل دهۆکێ.. یا خودێ ژێ رازیێ: گولیزار جاسم دێرکی هەڤژینا خودێ ژێ رازی: رشید موسی چەڤریکی وخویشکا: محمد صدیق جاسم دێرکی مزیری ودەیکا: (سمیر وأمیر وبەنگین)ی..
１０- مزگەفتا صلاح الدین ئەیوبی.. یا خودێ ژێ رازی: حجی خورشید محمد بێگەهی مزیری (برایێ حجی عابد وبابێ شڤان وئاماد وهشیار وشورەش)ی.
زێدەباری دوو جار هندە و پتر جڤاتێن تازیان ئەڤرۆکە هەنە ل سنورێن: ئیدارا زاخو و قەزایێن: سێمێلێ و ئامێدیێ و ئاکرێ و بەردەرەش و شێخان و هەروەسا ل دەشتێ.
لەوما زور گرنگ و پێدڤییە ئاسانکاری بهێتە کرن بۆ (جڤاتێن تازیان)- راستە جڤاکێ مە زۆر کێشێن مەزنتر هەنە وەک: مووچە، ئاڤ و کارەب، رێک، هەژاری، بێکاری، نە دامەزراندنا دەرچوویان و گەنجان، بێ دادی…وهـ.د- بەلێ هندێ کار و بارێن جڤاکی بهێنە رێکخستن کارەکێ باشە… لەوما داخواز ژ: ئێکەتیا زانایێن ئایینی، و رێڤەبەریا ئەوقاف و کاروبارێن ئایینی، و ریهسپی و ماقویلێن دەڤەرێ، و پەیچ ولاپەرێن پێکهات ودەڤەران، و دەزگەهـ وکارگێریێن دەستهەلاتدار… دهێتە کرن کار بکەن- ب سوپاسی ڤە- ل سەر ئاسانکرنا تازیان ب هەر رەنگەکێ گونجای بۆ جڤاکێ مە… بو نموونە:
１- نەهێلانا چێکرنا زادی بۆ تازیان و مەزاختنێن زێدە .
２- بەلاڤەکرنا ژمارەک – دوو یێن تەلەفونێن کەس و کارێن وەغەرکریان و وەرگرتنا تازیان ب رێکا تەلەفون و بروسک و نامان و تورێن جڤاکی.
３- تێکەلکرنا دوو- سێ تازیێن دەڤەرەکێ و پتر ل ئێک جهـ… وهووسا دێ بارێ خەلکی بگشتی سڤکتر بیت، ومەزاختن دێ کێمتر بن، و قەرەبالغا ترومبێلا ل سەر جادا نا مینیت، و پیسکرنا ژینگەهێ و رويدانێن لێکدانێ دێ کێمتر بن .

هیڤیخوازین ژ خودێ جهێ هەمی وەغەرکریان بکەتە بەهشتا بەرین… دگەل سلاڤان و رێزگرتنێ بۆ هەوە هەمیان هێژایان .

(د. حمید باڤی: دهۆک/ رۆژا شەمبی ١٠/ ١٢ / ٢٠٢٢).