مه‌سرور بارزانى پێشوازى ل شانده‌كێ ئاژانسا هاریكارییا نێڤده‌وله‌تى یا ژاپۆنى كر

ئه‌ڤرۆ 13ى كانوونا ئێكێ یا 2022ێ مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل شانده‌كێ هاریكارییا نێڤده‌وله‌تى ژاپۆنى ( جایكا ) ب سه‌رۆكایه‌تییا ئاندو ناووكى جێگرێ سه‌رۆكێ ئاژانسێ كر.

د دیداره‌كێدا شاندێ جایكا كورتییه‌ك ده‌رباره‌ى كار و چالاكییێن ئاژانسا خوه‌ ل هه‌رێما كوردستانێ روونكر، كو ب هه‌ماهه‌نگى دگه‌ل حكومه‌تا هه‌رێما كوردستانێ چه‌ندین پرۆژه‌ دبوارێن كاره‌ب، ئاڤ و ئاڤرێژ، چاندن و هه‌مواركرنا ماسته‌رپلانا هه‌ولێرێدا بجهئیناینه‌.

سه‌رۆكێ حكومه‌تا هه‌رێما كوردستانێ سوپاسییا حكومه‌تا ژاپۆن و ئاژانسا جایكا كر، كو ب رێكا بجهئینانا پرۆژه‌یان ب شێوه‌یه‌كێ باش و پیشه‌یى د پرۆسه‌یا ئاڤه‌دانكرن و بنیات دانانا ژێرخانه‌كا ئابوورى یا بهێزدا، هاریكارییا حكومه‌تا هه‌رێما كوردستانێ دكه‌ت.