تۆرا مافێن مرۆڤی یا كوردستانێ د راپۆرتەكێ دا دیاركر، سۆنیا شەریفی كچەكا كورد یا خەلكێ باژێرێ ئاودانان یێ پارێزگەها ئیلامێ یە و د خوەنیشاندانێن وی باژێری دا هاتییە دەستەسەركرن و مەترسییا سەپاندنا سزایێ سێدارەدانێ ل سەر هەیە.
ل دویڤ وێ راپۆرتێ، نێزیكی دوو هەیڤایە سۆنیا شەریفی یا 17 سالی ب تۆمەتا ” موحارەبە ” ژلایێ هێزێن ئەمنی یێن ئیرانێ ڤە هاتییە دەستەسەركرن، سزایێ وێ تاوانێ ژی ل ئیرانێ پتریا جاران سێدارەدانە.
