ئاژانسا خانی، تایبەت:
ژێدەرەكێ باوەرپێكری ژ سەركردایەتییا پارتی دیمۆكراتی كوردستان بۆ ئاژانسا خانی راگەهاند، خانم شیلان شێخ جەعفەر هاتییە راسپاردن بۆ وەرگرتنا پۆستێ لقا 21 یا پارتی دیمۆكراتی كوردستان ل دەوروبەرێن سلێمانییێ.
دۆپاتژی كر، بۆ جارا ئێكێ یە ئافرەتەك وی پۆستی وەردگریت و پێشبینی دهێتەكرن ئافرەتەكا دی ژی پۆستێ بەرپرساتییا لقەكێ وەرگریت، ئەڤ یەكە ژی ئەنجامێن كۆنگرێ 14ێ یێ پارتی نە كو گرنگییەكا مەزن ب رۆلێ ئافرەتێ د سەركردایەتییێ دا هاتییەدان و ئامینا زكری ژی وەك ئێكەم ئافرەت پۆستێ ئەنداما مەكتەبا سیاسی یا پارتی وەرگرتییە.
