شەرەک د ناڤبەرا دو مالباتێن گوندێ تللسقوف دا روودا و کەسەک ھات کوشتن و 2 ژی بریندار بوون، هێزێن ئێمناهیێ ژی كه‌سه‌كێ ده‌ست د كوشتنێ دا هه‌ی ده‌سته‌سه‌ركرن.
ل گۆرەی زانیاریێن خانی نیوز، شەرەک شڤێدی د ناڤبەرا دو مالباتان دا ل گوندێ تللسقوف سەر ب ناوچەدارییا ئەلقۆشێ ڤە روودا، کەسەک ب ناڤێ فەرحان فەرمان ھات کوشتن و 2 یێن دی ژی بریندار بوون و بۆ نەخۆشخانه یێن دھۆک و ئاکری ھاتن ڤەگوھاستن.
ھەر ل گۆرەی وان زانیارییان، ئەگەرێ وی شەری بۆ کێشەیەکا جڤاکی یا کەڤن د ناڤبەرا ھەردو مالباتان دا ڤەدگەریت، ھێزێن ئیمناھیێ ژی کەسەکێ دەست د کوشتنێ دا ھەی دەستەسەرکرییە و ڤەکۆلینان ل دۆر روودانێ دەستپیکرییە.
خانی نیوز، سەعەد عاسف
