جووتیار عادل : لێكتێگه‌هشتن دناڤبه‌را حكومه‌تێن هه‌رێما كوردستانێ و عیراقا فیدرالدا هه‌یه‌

په‌یڤدارێ حكومه‌تا هه‌رێما كوردستانێ د داخویانییێن رۆژنامه‌ڤانیدا كو ژلایێ فه‌رمانگه‌ها میدیا و زانیارییانڤه‌ هاتینه‌ به‌لاڤكرن، به‌حسا هووركارییێن سه‌ره‌دانا شاندێ هه‌رێمێ بۆ به‌غدا كر.

جووتیارعادل په‌یڤدارێ حكومه‌تا هه‌رێما كوردستانێ دیاركر، چه‌ند لژنه‌یه‌ك بۆ دانوستاندكرنێ ل سه‌ر بابه‌تێن بودجه‌ و ئاریشه‌یێن نه‌فتێ و بابه‌تێن دارایى هاتینه‌ پێكئینان، و هه‌ر ده‌مێ پێدڤى بوو دێ سه‌ره‌دانا به‌غدا كه‌ن.

سه‌باره‌ت ده‌مێ سه‌ره‌دانا شاندێ دانوستاندكارێ حكومه‌تا هه‌رێما كوردستانێ بۆ به‌غدا، جووتیار عادلى راگه‌هاند، ئه‌و چاڤه‌رێنه‌ حكومه‌تا فیدرال ژڤانه‌كى ده‌ستنیشانبكه‌ت داكو سه‌ره‌دانا به‌غدا بكه‌ن و دانوستاندنان ل دۆر چاره‌سه‌ركرنا بابه‌تێن ده‌ڤه‌رێن كوردستانێ یێن ژ ده‌رڤه‌ ئیداره‌یا هه‌رێمێ و پێشمه‌رگه‌ و نه‌فت و بودجه‌ى و بابه‌تێن دارایى بكه‌ن، و ئاماژه‌ ب هندێ ژى دا، لێكتێگه‌هشتن دناڤبه‌را حكومه‌تا هه‌رێما كوردستانێ و حكومه‌تا فیدرالدا بۆ دیاركرنا پشكا هه‌رێما كوردستانێ و چاره‌سه‌ركرنا ئاریشه‌یێن دارایى هه‌یه‌.

جووتیار عادلى گوت ژى: ئه‌و وه‌كو حكومه‌تا هه‌رێما كوردستانێ درژدن رێككه‌ڤتنێ دگه‌ل حكومه‌تا به‌غدا بكه‌ن، ئه‌وژى ل سه‌ر بنه‌مایێن ده‌ستوورى و رێككه‌ڤتنامه‌یا سیاسى دناڤبه‌را لایه‌ناندا بۆ پێكئینانا حكومه‌تا عیراقێ.