ل دووڤ زانیارییێن سایتێ حكومهتا ههرێما كوردستانێ، حهفت ئایین ل ههرێما كوردستانێ ههنه و ههموویانژى ژ چارچووڤێ وهزارهتا ئهوقاف و كاروبارێن ئایینى یا حكومهتا ههرێما كوردستانێ مۆلهت پێ هاتینه دان، و ل دووڤ قانوونێ و ژ چارچووڤێ رێڤهبهرییهكا ب ناڤێ ( پێكڤه ژیانا ئایینى ) هاتینه رێكخستن و چالاكییێن خوه دكهن.
سایتێ حكومهتا ههرێما كوردستانێ دراپۆرتهكا رۆژنامهڤانیدا راگههاند، ل دهڤهرێن جوودا یێن ههرێما كوردستانێ 5800 مزگهفت و 145 كلێس و 400 شونووارێن ئایینى یێن جوودا ههنه، و دكابینهیا نههێدا پلان بۆ هاتییه دانان و ل سهر ئهركێ مهسرور بارزانى سهرۆكێ حكومهتا ههرێما كوردستانێ هاتینه نووژهنكرن، ژ نووژهنكرنا مهزارگهها سۆلتان مزهفهرهددین ل ههولێرێ، مزگهفتا كاك ئهحمهدێ شێخ و مزگهفتا مهزن یا سلێمانییێ، بنگههێ لالش و چهندین جهێن دى یێن باژێرێ دهۆكێ دهستپێكرییه.
پهیڤدارێ وهزارتا ئهوقافێ نهبهز ئیسماعیل ئاماژه ب هندێ دا، ههردوو پێكهاتهییێن ئایینێ كریستیان و ئێزدییان خودان رێڤهبهرییێن گشتی و كاروبارێن خوه یێن تایبهتن و ژلایێ وان بخۆڤه دهێنه ب رێڤهبرن، لێ سهر ب وهزارهتا ئهوقاف و كاروبارێن ئایینى ڤهنه.
