<h3 style="text-align: justify;"><span style="font-size: 18pt;">ئیرڤن هیكس كونسۆلێ ئهمریكا ل ههرێما كوردستانێ دووپاتكر، ئهڤ ساله سهرهدانێن بهرپرسێن بلند یێن وهلاتێ وى بۆ ههرێما كوردستانی دێ دبهردهوامبن و گوت: هاتنا بهرپهرسێن بلند یێن ئهمریكا بۆ ههرێما كوردستانێ و دانانا مهزنترین كونسۆلخانهیا وهلاتێ وان، بهلگهیه كو ئهو دێ ل ههرێما كوردستانێ مینن.</span></h3> <h3 style="text-align: justify;"><span style="font-size: 18pt;">كونسۆلێ گشتییێ ئهمریكا ل ههرێما كوردستانێ د پرێسكۆنفرانسهكیدا ئاماژه دا رێككهڤتنا دناڤبهرا وهزارهتا بهرهڤانییا ئهمریكا و وهزارهتا پێشمهرگهیدا و راگههاند، ئهوان دڤێت پیشمهرگه ل سهر پین خوه ب راوهستیت و رووبروو گهف و مهترسییێن داعشێ بیت، ئهگهر گهفێن داعشێ بدووماهى هاتن، بی گومان ئهو خهلكێ ئاوارهبووى دێ شێن ڤهگهرنه جهێن خوه.</span></h3> <h3 style="text-align: justify;"><span style="font-size: 18pt;">كونسۆلێ گشتییێ ئهمریكا ل ههرێما كوردستانێ ئاماژه ب هندێ ژیدا، ئهو پێشوازییا ههماههنگی و كارێ ههڤپشكێ وهزارهتا پێشمهرگهى دگهل تیما وان یا سهربازى دكهن، بۆ هندێ گهفێن داعشێ دووبارهنهبن و ژ پاراستنا وهلاتییێن ئهڤێ ههرێمێ دپشتراست بن.</span></h3> <h3 style="text-align: justify;"><span style="font-size: 18pt;">ئیرڤى هیكس ل دۆر پهیوهندییێن دناڤبهرا ههولێر و واشنتندا گوت: ل سالا بوورى چهندین بهرپرسێن بلند یێن ئهمریكا سهرهدانا ههرێما كوردستانێ كر، ئهڤ ساله ئهو سهرهدانه دێ دبهردهوامبن، ئهو پهیوهندى و تێكهلییێن ئهمریكا دگهل ههرێما كوردستانێ ههین، ل ئاستێ بلند یێ ئیدارهیا ئهمریكا و كونگرێسینه.</span></h3>
