ئه‌ندامه‌كێ جڤاتا نونه‌رێن ئیراقێ دیاركر، ل سالا 2003ێ تا نها، 3 هزار و 700 كارگه‌هـ و جهێن پێشه‌سازى ل ئیراقێ ژ كاركه‌فتینه.
سه‌لام شه‌مه‌رى، ئه‌ندامێ جڤاتا نونه‌رێن ئیراقێ ل فراكسیۆنا سائیروون بۆ مه‌دیایێن ئیراقى راگه‌هاند، پتریا كارگه‌هـ و جهێن بازرگانى یێن ئیراقێ ب خواستا نافخۆ و ده‌ره‌كى و ژ به‌ر قه‌یرانا ئابووری یا ئیراقێ ژ كار هاتینه راوستاندن، دده‌مه‌كى دا ب ژێده‌رێ دیتنا ده‌لیڤێن كارى و باشكرنا ژیارا وه‌لاتییان دهات دانان.
ئاشكه‌را ژى كرییه، زێده‌ترى 3 هزار و 700 جهێن پێشه‌سازى و كارگه‌هێن سه رب وه‌زاره‌تا پێشه‌سازى و كانزایان ژ كاركه‌فتینه. پتریا كارگه‌هێن دى ژى ژ ئه‌گه‌رێ پابه‌ند نه‌بوون ب گرێبه‌ستێن وه‌زاره‌تا پێشه‌سازى و وه‌زاره‌تێن دى ژ كارى هاتینه راوه‌ستاندن.
