داوى روودانێن ئهمریكا و بریارا وهلاتێ سعوودیا ئهرهبى بو كێمكرنا بهرههمئینانا پهترۆلێ بووینه ئهگهرێ بلندبوونا بهردهوام یا بهایێ پهترۆلێ.
ئهڤرۆ د بازارێن جیهانى دا، بهایێ بهرمیلهكا خاڤا برێنت ب 54 دۆلار و 74 سهنتان بازار پێ هاتهكرن و برێژهیا 0.81% بلندبوو، ههروهسا بهرمیلهكا خاڤا تیكساس ژى ب 51 دۆلار و 11 سهنتان بازار پی هاتهكرن.
دوهى و ژنیشكهكێ ڤه سعوودیا ئهرهبى پشتى كومبوونا ئۆپێك پلاس راگههاند ئهو دی ل ههیڤێن ئادار و شۆباتێ، رۆژانه بهرههمئینانا ملیۆنهك بهرمیلێن پهترۆلێ كێم كهن ، ئهو یهكه ژى بو ئهگهرێ بلندبوونهكا بهرچاڤ یا بهایێ پهترۆلێ.
ل گۆرهى فهرمانگهها زانیاریێن ووزهیا ئهمریكا، پهترۆلا خاڤ یا بازرگانى یا عمباركرى ل ئهمریكا ل ههفتییا بوورى بهراورد ب حهفتییا پێشتر نزیكى 8 ملیۆن بهرمیلان كێم بوویه. ژبهر وێ یهكێ ژى داخوازا بازارێ نافخۆ ل سه رپهترۆلێ زێدهبوویه و ڤێ یهكێ ژی بهایێ پهترۆلی بلندتر كرییه.
