رێڤەبەرییا گشتی یا باژێرڤانییان ل پارێزگەھا دھۆکێ راگه‌هاند؛ 76 پرۆژه‌یێن خزمه‌تگوزاری ل پارێزگه‌ها دهۆكێ و سنوورێن وێ ده‌ستپێكرینه و 36 ملیار دینار بۆ پرۆژه‌یان هاتینه مه‌زاختن.
ئەندازیار دیار بەحری، رێڤه‌به‌رێ باژێرڤانییان بۆ خانی نیوز راگه‌هاند؛ وان شیاینه 76 پرۆژەیان ب کۆژمێ 32 ملیار دیناران ل سنوورێ رێڤەبەریا گشتی ئەنجام بدەن، ھەروەسا ل سەر پێشینەیێن ھەیڤانە یێن باژێرڤانییێ ب کوژمێ 4 ملیار دیناران پرۆژە ھاتینە ئەنجامدان، ژ وان پرۆژەیان ژی، 18 پرۆژە نھا ل ژێر كاركرنێ نەو 31 ژی ب دویماھی ھاتینە، 32
پرۆژە د قوناغا راگەھاندنێ دانە و 3 یێن دی ل سەر بودجەیا رێکخراوێن بیانی بووینە.
رێڤەبەرێ گشتی خوەیا کر ژی کو د سالا بۆری دا 25 سەرۆک باژێرڤانیی ژ سەرجەمێ 47 رێڤەبەران ھاتینە گوھۆرین، 18 فەرمانبەر ھاتینە خانەنشینکرن، 6 فەرمانبەران وەغەرکریە و 484 زێدەگاڤی ژی ھاتینە تۆمارکرن، هه‌روه‌سا ھزار مۆلەتێن نوو یێن ئاڤاکرنێ ھاتینە دان و 104 مۆلەتێن بازرگانی و داھاتێ باژێرڤانیان ژی 3 ملیار و 525 ملیۆن دینار بوون.
