دەستەیا دەستپاکییا عیراقێ دەست ب سەر 500 ملیۆن دیناران دا گرت و دیارکر چەند فەرمانبەر و بەرپرسان دەست د وێ گەندەلیێ دا هەبوو.
مەدیایێن عیراقێ بەلاڤکریە، فەرمانگەها ئاڤێ ل بەغدا بناڤێ کارمەندێن فەرمانگەهێ کوژمەکێ پارەی کو پێکهاتیە ژ 500 ملیۆن دیناران بێی ئاگەهدارییا وان وەرگرتییە و لسەر وان دا دابەش نەکریە.
ئاشکرا کریە ژی، کو پارە ل ئێک ژ لقێن بانکا ڕافیدەین ل بەغدا ب ڕێکا 59 چەکان بۆ هاتیە مەزاختن.
دیارکریە ژی، ژ وان فەرمانبەرێن کو پارە وەرگرتین چەند بەرپرسێن بلند هەنە و هاریکارێ ڕێڤەبەرێ فەرمانگەها ئاڤا بەغدا ژی دناڤدایە.
لسەر وێ گەندەلیێ ژی دەستەیا دەستپاکییا عیراقێ ڕاپۆرتەک لدوور دەست بسەرداگرتنا وی پارەی و دۆسەیێ ب گشتی ئاراستەی دادوەرێ دادگەها ڤەکۆلینان یا رەسافە ل بەغدا کریە.
