د. نه‌هله‌ ئه‌فه‌ندی: ئێکەمێن ھەرێمێ ل بەغدا دێ ھێنە دامەزراندن

ئاژانسا خانی، تایبەت:

د چارچوڤێ دامەزراندنا دەرچوویێن ئێکەمێن عێراقێ بڕیارە دەرچوویێن ھەرێما کوردستانێ ژی بھێنە دامەزراندن و جێگرا سەرۆکێ لژنا خواندنا بلند ژی ئاشکرا کر، نێزیکی ١٠ ھزار دەرچوویێن ئێکێ ھەنە ل ھەرێما کوردستانێ.

د. نەھلە ئەفەندی، جێگرا سەرۆکێ لژنا خواندنا بلند پەرلەمانێ عێراقێ بۆ ئاژانسا خانی دیاکر” ئه‌و ل گەل جڤاتا راژەیی کۆبووینە و بڕیارە دەرچوویێن ئێکەمێن ھەرێما کوردستانێ وەک یێن عێراقێ بھێنە دامەزراندن، بڕیارە لینکەک بھێتە ڤەکرن و ١٠ ھزار دەرچوویان مافێ پرکرنا فۆرما دامەزراندنێ ھەیە، ل سەرانسەری عێراقێ ژی پتری ٧٥ ھزار دەرچوویان دێ بھێنە دامەزراندن و ب رێیا ئونلاین فۆرم ھاتینە پێشکێش کرن.

ناڤهاتییێ گۆت ژی” مخابن دەرچویێن ھەرێما کوردستانێ و دەڤەرێن کوردستانی ھاتینە بێ بەھرکرن ژ دامەزراندنێ” بەلێ شاخەوان عەبدوللا جێگرێ سەرۆکێ پەرلەمانێ عیراقێ یێ رژدبوو ل سەر دامەزراندنا ئێکەمێن ھەرێما کوردستانێ، مووچێ وان ژی دێ ژلایێ ھەرێم و بەغداڤە ب رێکكەفتن ھێتە گرێدان پشتی دھێنە دامەرزاندن.