ئەڤرۆ پێنجشەمبی ٢٠٢٣/١/١٩ ب سەرپەرشتییا شێخ جەعفەر شێخ مستەفا، جێگرێ سەرۆکێ هەرێما كوردستانێ و ب ئامادەبوونا نوونەرێن نڤیسینگەها سەرۆک وەزیرێن هەرێما كوردستانێ، جڤاتا ئاسایشا هەرێما کوردستانێ و وەزارەتا پێشمەرگەی، ل سەرۆکایەتییا هەرێما کوردستانێ كۆمبوون ل گەڵ گرووپێ ڕاوێژکاریێ سەربازیێ ئەمریکا، نوونەرێن نڤیسینگەها ئەمریکا بۆ هەڤکاريیا ئەمنيیا عێراقێ، ڕاوێژکارێ وەزارەتێ بەرگريیا ئەمریکا و یەکەیا سیاسی و ئابووری ل کونسولخانەیا ئەمریکا ل ههولێرێ، ب مەرەما گەنگەشەكرنا پەیڕەوێ کارنامەیا لێکتێگەهشتنێ د ناڤبەرا ئەمریکا و هەرێما کوردستانێ، ب رێڤەچوو.
د كۆمبوونێدا جەخت ل بەردەواميیا پەیوەندییێن ئەمریکا ل گەڵ عێراقێ و هەرێما كوردستانێ هاتە كرن، هەورەسا تیشک خستە سەر بهرههنگاربوونا تیرۆریستێن داعشێ کو مەترسییێن ڕاستەقینەنە ل سەر ئاسایش و سەقامگیرییا عێراق و دەڤەرێ. هەردوولا هەڤڕابوون ل سەر بلەزكرن و بەرەڤپێشڤەچوونا پێنگاڤێن پرۆسەیا چاکسازی و ئێكخستنا پێشمەرگەی د هێزەکا ئێکگرتییا نیشتیمانيدا.
نوونەرێن ئەمریکا هەموو پشتەڤانییێن وڵاتێ خوە بۆ سەرخستنا پرۆسەیا چاکسازی و ڕێکخستنا پێشمەرگە بەرچاڤكر، هەروەسا دووپاتكر کو دێ بەردەوام بن د هاریکارییێن سەربازی و مرۆڤی بۆ هێزێن پێشمەرگە و هەرێما کوردستانێ.
