دکتۆر رێبوار بابکەیی: پێدڤییە تورکیا ڤەکۆلینێ ل دۆر روویدانا سەر وەلاتییێن ھەرێمێ بکەت
ئاژانسا خانی: تایبەت
سەرۆکێ لیژنا پەیوەندییێن دەرڤە ل پەرلەمانێ کوردستانێ داخوازکر ڤەکۆلین ل دۆر روودانا کوشتنا پێنج وەلاتییێن دھۆکێ بھێتەکرن و ئەنجامدەرێن ھێرشێ بھێنە سزادانان.
دکتۆر رێبوار بابکەیی، سەرۆکێ لیژنا پەیوەندییێن دەرڤە ل پەرلەمانێ کوردستانێ بۆ ئاژنسا خانی دیارکر” مخابن ھێرش بۆ سەر ھژمارەک وەلاتییێن پارێزگەھا دھۆکێ ل باژێرێ مێردینێ یێ تورکیا ھاتییەکرن و د ئەنجامدا پێنج کەسان گیانێ خوە ژدەستدایە، ئەم ڤێ ھێرشێ شەرمزار دکەین و تەکەزێ ل سەر پەیاما سەرۆکێ حکومەتا ھەرێما کوردستانێ دکەین کو پێدڤییە حکومەتا تورکیا ڤەکۆلینێ ل دۆر ھێرشێ بکەت و ئەنجامدەرێن ئەڤێ کارەساتێ بگەھنە سزایێ خوە یێ قانوونی.
