ل گۆرەی زانیارییێن فەرمانگەها میدیا و زانیاری یا حکومەتا هەرێما کوردستانێ تا دوماهییا سالا 2022، زێدەتری 913 هزار ئاوارە و پەنابەران ل هەرێما کوردستانێ دژین.
ئەڤرۆ دوو شەمبی 23 کانوونا دووێ 2023، فه‌رمانگەها میدیا و زانیاری یا حکومەتا هەرێما کوردستانێ دوماهی ئامارا ڕێڤەبەرییا کوچ و کوچبەران ل وەزارەتا نافخۆ یا هەرێما کوردستانێ بەلاڤکر، کو ڕێژەیا ئاوارەیان تا دوماهییا سالا 2022 ب گشتی ل هەرێما کوردستانێ، نێزیکی 665 هزار کەسایە و ڕێژەیا پەنابەرا ژی زێدەتری 248 کەسان بوویە.
هه‌ر ل گۆرەی ئامارا ڕێڤەبەرییا کوچ و کوچبەران ل وەزارەتا ناڤخۆ یا هەرێما کوردستانێ، 664 هزار و 798 کەس بووینە کو 174 هزار و 706 کەس ژ وان دناڤ کەمپان دانە و ژ وێ ژمارێ 102 کەس ڤەگەریاینە بۆ جهێن خۆ یێن رەسەن، هەر وەسا 230 ئاوارەیێن دی ژی چوینە دناڤ کەمپان دا.
دەربارەی ژمارەیا ئاوارەیان یێن کو ل ژدەرڤەی کەمپان، ئامارێن ڕێڤەبەرییا کوچ و کوچبەران ل وەزارەتا ناڤخۆ یا هەرێما کوردستانێ ڕۆهنکرییە، 490 هزار و 92 کوس بووینە.
هەر وەسا ڕێژەیا پەنابەران دناڤ کەمپان دا ل سالا بووری، 93 هزار و 966 کەس بوون، 154 هزار 468 کەسێن دی ژی ل ژدەرڤەی کەمپان هاتینە تومارکرن، ژ وێ ژمارەیێ ژی، 367 کەس ڤەگەریاینە جهێن خۆ یێن ڕەسەن وجهێن ڤەحەواندنێ بۆ 482 پەنابەرێن نوو دناڤ کەمپان دا هاتینە دابینکرن.
