بەرپرسەکێ پارتی بۆ ئاژانسا خانی ڕاگەهاند، دچارچووڤێ گھۆڕینێن دناڤ پارتی دیموکراتی کوردستان، بڕیارە ل چەند رۆژێن بهێتدا ژمارەکا بەرپرسێن لقێن پارتی دەستبکاربن و بڕیارا گھۆڕینا بەرپرسێن لقێن پارتی دێ چیتە بیاڤێ بجهئینانێدا.
ئەڤی بەرپرسێ پارتی کو نەڤیا ناڤێ وی بھێتە دیارکرن گۆت: بەری نوکە ژمارەکا بەرپرسێن لق و پشکێن پارتی ھاتینە دیارکرن و دەستبکاربووینە، گھۆڕینێن بەرپرسێن پارتی ب چەند قۆناغەکا دهێتە ئەنجامدان و نێزیك دێ قۆناغەکادی ژی ھێتە بجهئینان و ژمارەکا بەرپرسێن لقێن پارتی ل دھۆک و ھەولێرێ دێ دەستبکاربن.
ئەڤی ژێدەری دیارکر، بڕیارا دانانا وان بەرپرسێن پارتی دەرکەفتیە، بەلێ پێدڤییە ب رێورەسمێن دەستبکاربن و گھۆڕین ناڤبەرا بەرپرسێن نوکە و بەرێ بھێتەکرن و بۆ ئەڤێ چەندێ ژی بەرھەڤی دھێنەکرن.
