ههر چار سهرۆكایهتییێن عیراقێ دەربارەی بجهئینانا بەڕنامێ حکومەتێ و دابینکرنا خزمەتگوزاریان و ڕەوشا ئابووری یا وەڵاتی کۆمبوون.
ئەڤرۆ شەمبی 4 شوباتا 2023، د ڕاگەهاندنەکێ دا نڤیسینگەها ڕاگەهاندنا سەرۆکوەزیرێن عیراقێ بەڵاڤکریە، محەمەد شیاع سوودانی، سەرۆکوەزیرێن عیراقێ ل کۆشکا حکومی مێهڤانداریا کۆمبوونەکێ کر، ب پشکداریا لهتیف رەشید، سەرۆککۆمارێ عیراقێ، محەممەد حەلبووسی، سەرۆکێ جڤاتا نوونەران و فایهق زێدان، سەرۆکێ جڤاتا بلند یا دادوەری.
ل گۆڕەی ڕاگەهاندنێ، د کۆمبوونێ دا رەوشا سیاسی، ئابووری و جڤاکی ل سەر ئاستی نیشتمانی هاتە گوتوبێژ کرن، هەروەسا ژمارەیەکا پرسێن گرنگ یێن وڵاتی گوتوبێژ کرن، ههروەسا باس ل بجهئینانا بەرنامێ حکومەتێ و دابینكرنا خزمەتگوزاریان بۆ وەلاتییان كر.
