بانكا ناڤه‌ندییا عیراقێ ل دۆر بازرگانیكرن ب دراڤێ دیجیتالى هوشدارییێ د ده‌ت و دبێژیت: بازرگانیكرن ب دراڤێ دیجیتالى ب هه‌موو جۆرێن وێڤه قه‌ده‌غه‌یه و سزا دگه‌لدایه.
بانكا ناڤه‌ندییا عیراقێ دراگه‌هاندنا خوه‌دا دیاركر، ئه‌و دووپات دكه‌ت كو ئه‌وا دفه‌رمانا گشتاندنێدا یا ژماره ( 9/5/125 ) ل 29 ئادارا 2022ێ هاتى، كو د ناڤه‌رۆكا وێدا بریارهاتبوو دان، رێگرى ل بكارئینانا كارتا ئه‌لكترۆنى و كارتیجزدان بهێته‌كرن ب مه‌ره‌ما سه‌فته‌بازییێ (المچاربە)، و بازرگانیكرن ب دراڤێ دیجیتالى ب هه‌موو جۆرێن وێڤه.
ئاماژه ب هندێ ژیدا، پێدڤییه هه‌موو بانكێن موله‌ت پێداى و هه‌موو دامه‌زراوه‌یێن داراییێن موله‌ت پێداى و هه‌موو كۆمپانییێن پاره‌دانا ئه‌لكترۆنى ب ڤان دوو خالان پابه‌ندبن.
ئێك – گرتنه‌به‌را هه‌موو رێكارێن كارگێرى و قانوونى و ته‌كنیكا پێدڤى بۆ رێگرتن و دووڤچوونا ئه‌وان جۆره مامه‌له و بازرگانییان.
دوو – هووشیاركرنا كریارێن خوه سه‌باره‌ت ب وان مه‌ترسى و رێكاران یێن كو دێ ل دووڤ قانوونێ و رێنمایێن باوه‌رپێكرییێن پێدڤى به‌رامبه‌ر ڤان مامه‌لان دگه‌ل وان هێنه بكارئینان.
بانكا ناڤه‌ندى ب بانك و كۆمپانییێن پاره‌دانا ئه‌لكترۆنى راگه‌هاندییه، كو به‌رۆڤاژى رێنمایان، دێ هه‌موو رێكارێن قانوونییێن توند به‌رامبه‌ر دامه‌زراوه‌یێن وان و كریارێن وان هێنه بكارئینان.
