پەرلەمانتاره‌كێ عیراقی ب وه‌رگرتنا به‌رتیلی دهێته‌ تۆمەتبار كرن

دەستەیا دەستپاكییا عێراقێ ئاشکرا کر، پەرلەمانتاره‌كێ ڤێ خولێ یێ جڤاتا نونه‌ران ب تۆمەتا وه‌رگرتنا بەرتیلی بڕیاره‌ك بۆ هاتییه‌ دەرکرن.

ئه‌و ژی گۆتییه‌: “ئەڤرۆ چارشەمبی، دەستەیا ڤه‌كۆلینێ بڕیاره‌ك دەركرییە بۆ داخوازكرنا ئەندامه‌كێ جڤاتا نوونه‌ران و بڕیارەك هاتییه‌ دەركرن، چونكی ئەو پەرلەمانتارە یێ تۆمەتبارە ب وەرگرتنا 75 هزار دۆلاران، ب هه‌ڤپشكی ل گه‌ل پەرلەمانتاره‌كێ به‌رێ، وان پارە ژ خودان كاره‌كێ وەرگرتینە ل هه‌مبه‌ری هندێ كو فایلا وی یا گه‌نده‌لییێ كو په‌یوه‌ندی ب كۆمپانییا وی ڤه‌ هه‌بوو نه‌هێته‌ به‌حس كرن.

دەستەیا دەستپاكییا عێراقێ دیار كرییه‌ ژی: دەستەیا ڤه‌كۆلینی بڕیارا داخوازكرنا وی دەركرییه‌، ل سەر بنەمایێ بڕیارێن (160 یێن سالا 1983) ێ” د ده‌مه‌كی دا ئه‌و بڕیاره‌ دێ ئاگه‌هدارییه‌كێ بۆ جڤاتا نوونه‌ران هنێریت؛ بۆ هندێ پارێزبەندییا وی بهێته‌ لادان و زانیارییان ل سەر وی پەرلەمانتارێ به‌رێ دابین بكه‌ت ب تۆمەتا پشكداریكرنێ ل هەمان كەیس دا.