وهزارهتا دارایی یا ئیراقێ د بهیانهكێ دا راگههاند؛ رێكارێن نوو ژ بۆ زێدهكرنا كارتێكرنێن ئهرێنی یێن داكهفتنا بهایێ دیناری گرنه بهر.
وهزارهتا دارایی یا ئیراقێ ئهڤرۆ د بهیانهكێ دا راگههاند؛ وهزارهت ل ههفتییا بهێت دێ كۆمبوونهكا بهرفرههـ دگهل ئابوریناسان گرێدهت و سیاسهتا خوه ژ بۆ زێدهكرنا كارتێكرنێن ئهرێنی یێن داكهفتنا بهایێ دیناری دارێژیت و ژ بهر ههستیارییا بابهتی نكارن زانیاریێن زێدهتر ئاشكهرا بكهن.
د بهیانێ دا هاتییه، وهزارهتا دارایی ب هیڤییه كۆمبوونا وان ههڤدهم بیت دگهل گۆتوبێژێن جڤاتا نوونهران یا پهسهندكرنا پرۆژهقانوونا بودجهیا گشتی یا ئیراقێ بۆ سالا 2021.
بانكا ناڤهندییا ئیراقێ، ل 20 مهها 12 یا سالا 2020 بڕیارا داكهفتنا بهایێ دینارێ ئیراقی دا ژ بۆ دهربازكرنا قهیرانا دارایی كو بهایێ 100 دۆلارێن ئهمریكی ژ 122 هزار دیناران گههشت 147 هزاران.
