كۆنفرانسێ ئاسایشا میونشن یێ 59 ێ ل 17 ی ڤێ هه‌یڤێ دێ ده‌ست پێكه‌ت و هه‌تا 19 هه‌یڤێ دێ یێ به‌رده‌وام بیت، نێچیرڤان بارزانی، سەرۆكێ هەرێما كوردستانێ ژی دێ پشكدارییێ د وی كۆنفرانسی دا كه‌ت.
ل رۆژێن 17 بۆ 19 ی شواتێ جاره‌كا دی میونشن دێ بیتە گۆڕەپانا سیاسەتێ و ئاسایشا جیهانی و 45 سەرۆك وه‌ڵات و سەرۆك وەزیر دێ پشكدار بن، هەروەسا 100 وەزیرێن بەرگرییێ و دەرڤه و ناڤخۆ دێ ل میونشن ئامادە بن” هه‌ڤده‌م ب ده‌هان سەركردە و كەساتی یێن ناڤدار یێن جیهان و شارەزایێن بیاڤێن تیرۆر و ئاسایشێ دێ پشكدار بن .
هەروەسا نێچیرڤان بارزانی ،سەرۆكێ هەرێما كوردستانێ، سەرۆكێ فرەنسا، سكرتێرێ ناتۆ، سەرۆكێ كۆمسیونا ئێكه‌تییا ئورۆپا، شانده‌كێ مه‌زن یێ ئەمریكا كو پرانییا وان ئەندامێن كۆنگرێسینه، شانده‌كێ بلند یێ ئۆكرانییا و چەندین شاندێن وه‌لاتێن جیهانی و رێكخراو و ناڤەندێن ستراتیژی و سیاسی یێن جیهانێ دێ پشكدارییێ د وی كۆنفرانسی دا كەن.
