سزایێ گرێنه‌دانا پیڤەرێ ئاڤێ ھاتە کێمکرن

ئاژانسا خانی ” تایبەت:

رێڤەبەرێ گشتی یێ ئاڤێ مزگینیا داشکاندنا سزایێ گرێنەدانا پیڤەرێ ئاڤێ راگەھاند و ئاشکرا کر، ژ ئەڤرۆ پێڤە دێ داشکاندن بۆ وەلاتییان ھێتە کرن ھەتا 21 ھەیڤا نیسانا بهێت.

ئاری ئەحمەد، رێڤەبەرێ گشتی یێ ئاڤێ بۆ ئاژانسا خانی دیار کر” پێداچوون ب بڕیارا گرێدانا پیڤەرێ ئاڤێ ھاتییە کرن و پشتی سالا بوری داشکاندن بۆ سزایێ گرێدانا پیڤەرێ ئاڤێ ھاتییە کرن و رێژا گرێدانا پیڤەرێن ئاڤێ گەھشتییە 80%ێ ئەڤە ژی بۆ ئه‌گه‌ر جارەکا دی حوکمەت بڕیارێ لدۆر داشکاندنا گرێدانا پیڤەرێ ئاڤێ بدەت و ئەڤرۆ پێڤە ھەر وەلاتییەکێ پیڤەرێ ئاڤێ گرێبدەت ھەتا 21 ی ھەیڤا نیسانا داھاتی دێ داشکان ڤەگریت.

ئاری ئەحمەد گۆت ژی” وەلاتی یێن سەنتەرێن باژێڕان ئەگەر پیڤەرێ ئاڤێ گرێبدەن ل جھێ 80 ھزار دیناران بۆ ئێک ھەیڤ ب تنێ ھەیڤێ 20 ھزار دینار وەکی سزا دێ ھێتە تۆمار کرن و بۆ وەلاتی یێن سەنتەرێ قەزا و ناحی و دەوروبەران ب تنێ دێ 10 ھزار دینار بۆ ئێک ھەیڤ ھێنە وەرگرتن، ئەڤە ژی دەلیڤەکا باشە بۆ وەلاتی یێن ھەتا نوکە پیڤەرێ ئاڤێ گرێنەداین.