ئەڤرۆ شەمبییێ” 18/2/2023 ێ، مەسرور بارزانی، سەرۆکێ حکومەتا هەرێما کوردستانێ، پشتی پشكداریکرن د گۆپیتكا جیهانییا حکومەتان ل باژێرێ دوبەیی ل ئیماراتێ و دیدارا ل گەل سەرۆکێ فرەنسا ل پاریس، ڤه‌گەرییا هەولێرێ.
سەرۆکێ حکومەتێ ل ئیماراتێ، د گۆپیتكا جیهانییا حکومەتان دا ل دوبەیی، ل گەل هەر ئێک ژ سەرۆکێ ئیماراتێ شێخ محەمەد بن زاید ئالنەهیان، جێگرێ سەرۆکی و سەرۆکوەزیران و حاکمێ دوبەیی شێخ محەمەد بن ڕاشد ئالمەکتووم و هژمارەكا بەرپرسێن بلند یێن ئیماراتێ و سەرۆکوەزیرێن جۆرجییا و چەندین بەرپرسێن دیتر کۆمبوویە.
هەروەسا ل فڕەنسا ژی، ل گەڵ سەرۆک ئیمانوێل ماکڕۆن و سەرۆکێ جڤاتا پیرێن فرەنسا و سەرۆکێ باژێرڤانییا پاریس و هژمارەكا وەبەرهێنەر و خودانکار و نوونەرێن کۆمپانی ین فرەنسی کۆمبوویە.
