ئه‌ڤرۆ سێشەمبی، ب ئامادەبوونا مەسرور بارزانی، سەرۆکێ حکومەتا هەرێما کوردستانێ، وورکشۆپێ وەزارەتا ئاڤەدانکرن و ئاكنجیکرنێ، ب هه‌ماهەنگییا بوردێ چاپتەرێ کوردستانێ ل پەیمانگەها کۆنکریتی یا ئەمریکی، یا تایبەت ب پاراستنا هەرێما کوردستانێ ژ ئه‌ردهه‌ژان هاته گێران.
شیره‌تكارێ سه‌رۆكاتییا جڤاتا وه‌زیران ل حكومه‌تا هه‌رێمێ” بۆ ئاژانسا خانی دیار كر: ئه‌ڤرۆ ل هه‌ولێرێ ووركشۆپه‌ك ب ناڤێ ( پاراستنا هەرێما کوردستانێ ژ ئه‌ردهه‌ژان) هاته گێران و هژماره‌كا پێشنییاران بۆ پاراستنا پرۆژێن هەرێما کوردستانێ ژ ئه‌ردهه‌ژان هاتنه به‌رچاڤ كرن ” هه‌روه‌سا به‌حسێ كارتێكرنا له‌رزینێ ل سه‌ر ژیانا خه‌لكی هاته كرن” دیسان به‌حسێ ژین و ژیارا خه‌لكی ب ره‌نگه‌كێ به‌رفره‌هـ هاته كرن و شێوازێ چێكرنا ئاڤاهییان دێ چاوا بیت؟” د وی ووركشۆپی دا مه ته‌كه‌زی ل سه‌ر هندێ كر” كو هه‌رێما كوردستانێ ژی كه‌فتییه” د كه‌مه‌ره‌كا ئه‌ردهه‌ژی دا” كو چییایێن زاگرۆس و توروس و ده‌ریا عه‌قه‌به و لوبنان دكه‌ڤنه دناڤا وێ كه‌مه‌رێ دا”.
ناڤهاتی گۆت ژی: ئه‌ڤ ئه‌ردهه‌ژه به‌ری هزار سالان هه‌بووینه و نوكه ژی دێ هه‌بن” ئه‌ڤه روودانه‌كا سرۆشتییه و كه‌س نه‌شێت راگریت”به‌لێ دڤێت ئه‌م لێ د هشیار بین و ژێ نه‌ترسین ژی” ژ پێخه‌مه‌ت ئه‌م كێمترین زیانان بده‌ین” دڤێت دووڤچوونه‌ك بۆ بابه‌تێ له‌رزینان هه‌بیت” تۆره‌كا راستا له‌رزینا ل هه‌موو كوردستانێ بهێته دانان و یا پێكڤه گرێدایی بیت و رۆژانه هه‌موو ئه‌و له‌رزینێن چێدبن بهێنه تۆمار كرن” ژ پێخه‌مه‌ت بزانن” ئه‌و له‌رزینه پتر ل كیرێ په‌یدا دبن و بزاڤێ بكه‌ن خۆ ژ وان جهان دوور بێخن و حیسابه‌كا تایبه‌ت بۆ وان جهان بكه‌ن.
د. بێوار خنسی ئه‌و ژی ئاشكرا كر: دڤێت ئه‌م هشیارییه‌كا مه‌زن دناڤا خه‌لكی دا په‌یدا بكه‌ین” كانێ دێ چاوا مامه‌لێ ل گه‌ل ئه‌ردهه‌ژان كه‌ن و دیسان خه‌لكێ مه مفایی ژ سه‌ربۆرێن وه‌لاتان ببینن” وه‌كو وه‌لاتێن یابانێ و چینێ و ئه‌مریكا كو ئه‌و هه‌ست ب بابه‌تێ ئه‌ردهه‌ژان دكه‌ن” به‌ری كو ئه‌ردهه‌ژ په‌یدا ببن” ئه‌و شییاینه ئه‌و جهێن مه‌ترسی ل سه‌ر هه‌ین ڤالا بكه‌ن” چونكی ئه‌ردهه‌ژ ئێكسه‌ر په‌یدا نابن و به‌ری هنگێ هنده‌ك نیشان هه‌نه” كو هنده‌ك تایبه‌تمه‌ندی ب ئه‌ردی ڤه هه‌نه” وه‌كو پێلێن گه‌رماتییێ و كاره‌بایی و مه‌گناتیسی ” به‌ری ئه‌ردهه‌ژ په‌یدا ببن” هنده‌ك جاران مفا ژ لڤینێن گیانه‌وه‌ران دهێنه وه‌رگرتن” چونكی به‌ری ئه‌ردهه‌ژێ ئه‌و هه‌ست پێ دكه‌ن” مرۆڤ دشێن مفایی ژ وان تشتان وه‌ربگریت و دڤێت ڤه‌دیتنه‌كا تایبه‌ت بۆ وان جهان بهێته كرن یێن لاواز و ئه‌و جهێن ئاڤاهی یێن كه‌ڤنار لێ هه‌ین” دڤێت هه‌لسه‌نگاندنه‌كا باش بۆ بهێته كرن و دڤێت كۆده‌ك بۆ هه‌ر ده‌ڤه‌ره‌كێ بهێته دانان” بۆ هندێ د داهاتی دا ئه‌ندازیار و دیزاینه‌رێن هه‌رێما كوردستانێ ل سه‌ر وان بنه‌مایان ئاڤاهییان دروست بكه‌ن.
