مه‌سرور بارزانى پێشوازى ل بریكارێ وه‌زیرێ ده‌رڤه‌ یێ هندستانێ كر

سه‌رۆكێ حكومه‌تا هه‌رێما كوردستانێ مه‌سرور بارزانى پێشوازى ل  ئه‌ساف سه‌عید بریكارێ وه‌زاره‌تا ده‌رڤه‌ یا هندستانێ و شاندێ دگه‌لداكر، و شاندێ هندستانێ ئاماده‌ییا وه‌لاتێ خوه‌ بۆ پێشڤه‌برنا په‌یوه‌ندییان دگه‌ل هه‌رێما كوردستانێ دبیاڤێن بازرگانى، ساخله‌مى، ته‌كنولۆجیا زانیارییان و كاراكرنا سیسته‌مێ بانكیدا دووپاتكر.

د دیدارا واندا كو پراشانت پیسى بالیوزێ هندستانێ ل عیراقێ وسوبهاش چاندرا كونسۆلێ گشتییێ هندستانێ ل هه‌ولێرێ ئاماده‌ببوون، بریكارێ وه‌زاره‌تا ده‌رڤه‌ یا هندستانێ كورتیه‌ك سه‌باره‌ت مه‌ره‌ما سه‌ره‌دانا خوه‌ بۆعیراقێ وهه‌رێما كوردستانێ بۆ سه‌روكێ حكومه‌تا هه‌رێما كوردستانێ به‌رچاڤكر.

هه‌روه‌سا بریكارێ وه‌زاره‌تا هندستانێ ئاماده‌ییا وه‌لاتێ خوه‌ بۆ پێشڤه‌برنا په‌یوه‌ندیان دگه‌ل هه‌رێما كوردستانێ دهه‌موو بیاڤێن بازرگانى وساخله‌می وته‌كنه‌لوجیایێ و زانیارى وكاراكرنا سیسته‌مێ بانكیدا ده‌ربرى.

ژلایێ خۆڤه‌ سه‌روكێ حكومه‌تا هه‌رێما كوردستانێ رووناهى به‌ردا سه‌ر كارناما حكومه‌تێ دبیاڤێ هه‌مه‌جووركرنا ژێده‌رێن داهاتى وبنیاتدانا ژێرخانه‌كا ب هێزا ئابوورى و دیجیتالكرنا خزمه‌تگوزاریێن گشتى، و دڤى بیاڤیدا سه‌روكێ حكومه‌تێ حه‌زا هه‌رێما كوردستانێ بۆ پێشڤه‌برن و به‌رفره‌هكرنا په‌یوه‌ندیان دگه‌ل هندستانێ دووپاتكر.