کوردێن خورماتوو ترس ل پۆلیسێن ئیتیحادی ھەیە

پشتی بادەکا ئەمنی ژلایێ ھێزێن بەرسڤدانا بلەزڤه‌ رادەستی پۆلیسێن ئیتیحادی ھاتیەکرن، ل قەزا خورماتوو کوردان ترس ھەیە ل سەرەدەرییا ئەڤان ھێزێن پۆلیسان و بەرپرسەکێ کوردژی دبێژیت: مە داخوازکرییە بادەکا ئەمنییا خورماتوو رادەستی پۆلیسێن ناڤخۆ بھێتەکرن.

بەختیار ھیجران، بەرپرسێ لیژنا ناوچا پارتی ل قەزا خورماتوو بۆ ئاژانسا خانی دیارکر، پشتی روویدانێن 16ی ئۆکتۆبەرێ بادەکا ئەمنییا قەزا خورماتوو یا سەر ب پارێزگەھا دیالە ڤه‌ ددەستێ ھێزێن بەرسڤدانا بلەزدابوو، بەلێ نوکە بادەکا ئەمنی رادەستی پۆلیسێن ئیتیحادی ھاتیەکرن، کوردژی بڤێ بڕیارێ دلگرانن، ژبه‌ركو پۆلیسێن ناڤخۆ باشترن و پۆلیسێن ئیتیحادی وەکو پێدڤی ئەرکێ خوە بجهـ نائینن و دێ رەوشێ زێدەتر ئالۆزکەن.

بەخیتار ھیجران گۆتژی، دوو بارەگایێن پارتی ل قەزا خورماتوو ھاتینە داگیرکرن و ئەم یێ بزاڤان دکەین دگەل ئاساییکرنا رەوشا خورماتوو بارەگایێن پارتی بھێنە ڤەگەڕاندن و پارتی دێ ڤەگەڕیت بۆ ناڤا بارەگایێن خوە،بەلێ ئەگەر بھێت و رەوش ئاسایی ببیت، پارتی ل دەڤەرێ پێگەھەکێ جەماوەری ھەیە و دخوازیت زێدەتر خزمەتا دەڤەرێ بکەت.