رێڤەبەریا گشتی یا رەوشەنبیری و هونەری ل پارێزگەها دهۆکێ ب پشتەڤانیا پارێزگارێ دهۆکێ، دێ بیرەوەریێن ئادار و نەورۆزێ ب زنجیرەکا چالاکیان ساخ کەن.
حەسەن فەتاح پەیڤدارێ رێڤەبەریا گشتی یا رەوشەنبیری و هونەری ل پارێزگەها دهۆکێ تایبه‌ت بۆ ئاژانسا خانى راگەهاند، ل 6و 7ی هەیڤا ئادارێ کۆنفرانسێ ئەدەبێ ژنان ب هەڤکاری دگەل ئێکەتیا نڤێسەرێن کورد دێ هێتە گێران.
11ناڤبرى دیار ژى كر، ل 12ی ئادارێ ژی فەستیڤالا پێکڤەژیان دێ ل شێخان هێتەگێران و 14ی ئادارێ ژی ب هەلکەفتا سەرهلدانا دهۆکێ و ژدایکبوونا بارزانیێ نەمر دێ ئاهەنگەک و هەوەکا دارچاندنێ ل دهۆک و سێملێ دێ هێنەگێران، هەروەسا ل 11ی ئادارێ ژی پێشانگەهەکا فۆتۆگرافی بناڤێ دهۆک د چاڤکێ کامیرێ دا دێ هێتەڤەکرن و 16ی هەیڤێ خولا 15ێ یا گەلەریا دهۆکێ دێ هێتە ڤەکرن.
حەسەن فەتاح گوت ژی، ل ئێڤارا 20ی هەیڤێ کەرنەڤالێ هەلکرنا ئاگرێ نەورۆزێ دێ هێتەگێران و 27ی ئادارێ رۆژا جیهانی یا شانۆیێ ل دهۆک و سێمێلێ دێ هێتە ساخکرن.
