سیروان سعید محه‌مه‌د رێڤه‌به‌رێ سامانێن ماسیان ل وه‌زاره‌تا چاندنا هه‌رێما كوردستانێ تایبه‌ت بۆ ئاژانسا خانى راگه‌هاند، ژبه‌ر كو ماسى دێ ماوێ بهێتدا خه‌رزێ خۆ دانن له‌ورا بریار هاتیه دان كو ژ 5-3-2023 تا 15-6-2023 راڤه‌كرنا ماسیا ل سه‌رانسه‌رى هه‌رێما كوردستانێ بهێته قه‌ده‌غه‌كرن.
رێڤه‌به‌رێ سامانێن ماسیان ل وه‌زاره‌تا چاندنێ دیار ژى كر، سالانه ل پرۆژێن موله‌تدار نێزیكى 3 هزار و 500 ته‌نان سالانه به‌رهه‌م دئینن و زوربه‌یا پرۆژان هه‌نه موله‌ت نینه و ب ته‌جاوز هاتینه دروستكرن ئه‌و ژی نێزیكى 4 هزار ته‌نان به‌رهه‌م دئینن، كو سه‌رجه‌مێ وان دگه‌هیته نێزیكى 8 هزار ته‌نان ل نافخۆ به‌رهه‌م دئینن.
ناڤبرى دیار ژى كر، ئه‌و رێژه‌یا برێكێن ناڤخۆیی دهێته به‌رهه‌مئینان تێرا هه‌رێمێ ناكه‌ت ژبه‌ركو هه‌رێم سالانه پێدڤى ب 12هزار ته‌نان هه‌یه، ژبه‌رهندێ ئه‌و پێدڤیا مایی برێكا بازرگانان ژ ده‌رڤه‌ى وه‌لاتى دهینه هاورده‌كرن ب تایبه‌ت ژ وه‌لاتێن ئیران و توركیا. هه‌روه‌سا دیاركر ئه‌گه‌ر ل ده‌رڤه‌ى وه‌لاتى نه‌هێنه هاورده‌كرن دێ بهایێ وان زور بلندبیت.
